Sindramenn sitja á toppnum í riðlinum 2 stigum á undan Ými en þessi lið mætast á morgun á Sindravelli í toppslag A-riðils. Sindramenn hafa unnið alla sína leiki hingað til en Ýmir hafa einnig verið að spila vel undanfarið. Búast má við hörkuleik á morgun og myndi sigur segja margt um framhald Sindramanna í sumar.

Heiðar Kristinn Rúnarsson kemur ferskur inní vörnina.

Heiðar Kristinn Rúnarsson kemur inn í liðið eftir að hafa tekið út leikbann á móti Afríku en Seval Zahirovic hefur spilað sinn síðasta leik eftir að hafa fengið beint rautt í síðasta leik og fengið tveggja leikja bann. Sindri Ragnarsson meiddist í byrjun leiks gegn Afríku og verður því ekki með. Jóhann Bergur Kiesel hefur jafnað sig á meiðslum og kemur inní hópinn. Ingvi Ingólfsson kemur einnig inní hópinn fyrir Hauk Halldórsson.

Leikmannahópur á móti Ými
Denis Cardaklija (m), Júlíus Freyr Valgeirsson, Heiðar Kristinn Rúnarsson, Atli Haraldsson, Óskar Guðjón Óskarsson, Gunnar Ingi Valgeirsson, Einar Smári Þorsteinsson (f), Ómar Freyr Rafnsson, Atli Arnarson, Þorsteinn Jóhannsson, Kristinn Þór Guðlaugsson, Jóhann Bergur Kiesel (m), Ólafur Albert Sævarsson, Sindri Örn Elvarsson, Sigfinnur Björnsson, Ingvi Ingólfsson.

AFRÍKA 1 SINDRI 3
Einar Smári Þorsteinsson 8′
Einar Smári Þorsteinsson 33′
Atli Arnarson 86′

Sindramenn mættu skrautlegu Afríkuliði í Breiðholtinu um síðustu helgi og í raun var ekki vitað hvernig leik mátti búast við. Sindramenn byrjuðu af krafti og var fyrirliði Sindra, Einar Smári Þorsteinsson ekki lengi að koma gestunum yfir með laglegu skoti. Sindramenn fengu síðan allan fjöldan af færum sem endaði með því að Afríkumenn skoruðu eftir mistök í vörninni hjá Sindramönnum.

Nýji Sindramaðurinn, Ómar Freyr Rafnsson (v) og markaskorarinn Einar Smári Þorsteinsson (h)

Sindramenn voru ekki lengi að svara fyrir sig, enn og aftur var Einar Smári Þorsteinsson á ferð og Sindri því komnir aftur yfir. Afríkumenn fengu síðan ágætis tækifæri til að jafna leikinn aftur eftir að leikmaður þeirra hafði komist innfyrir vörn Sindra en Denis Cardaklija var vel á verði.

Hajrudin Cardaklija þjálfari og aðstoðarmaður hans, Nihad Hasecic fylgjast með sínum mönnum í leiknum.

Í síðari hálfleik réðu Sindramenn öllu og komust Afríkumenn ekki yfir miðju fyrstu 20 minúturnar af leiknum. Mörg færi litu dagsins ljós og skutu Sindramenn tvisvar í tréverkið og meðal annars varði markvörður Afríku, Óskar Davíð Sigurjónsson vel.

Seval Zahirovic (v) og Atli Haraldsson (h)

Undir lok leiksins urðu Sindramenn fyrir áfalli er Seval Zahirovic fékk að líta rauða spjaldið fyrir að slá til leikmanns Afríku. Þetta var því síðasti leikur hans með liðinu á þessu sumri en hann fer til Bosníu í næstu viku og mun vera þar yfir sumarið.

Atli Arnarson og Ólafur Albert Sævarsson ánægðir í leikslok.

Sindramenn náðu þó að skora þriðja markið, þar var enginn annar en Atli Arnarson sem heldur áfram að skora í hverjum leik. Frábær sending/skot hans af löngu færi fór yfir markvörðinn og 3-1 sigur var staðreyndin.

ÁFRAM SINDRI

Mark undir lokin gaf Sindramönnum öll þrjú stigin
Það mátti búast við hörkuleik á Sindravöllum þegar að Sindramenn mættu deildabikarmeisturum Árborg í 2. umferð 3. deildar karla. Sindramenn urðu fyrir því áfalli rétt fyrir leikinn er Kristinn Þór Guðlaugsson meiddist á æfingu og varð því ekki með í leiknum.

Þetta var líklega mjög skemmtilegur leikur fyrir áhorfendur til að fylgjast með, mörg færi litu dagsins ljós og dramatískt mark undir lokin fullkomnaði daginn fyrir Sindramenn er þeir fögnuðu í nýju Hummel búningunum sem marka nýtt tímabil hjá Sindra.

Atli Arnarson skoraði sitt annað mark í jafn mörgum leikjum.

Sindramenn byrjuðu leikinn af krafti og var Atli Arnarson ekki lengi að láta heyra í sér. Hann var að spila í fremstu viglínu fyrir hinn meidda Kristinn Þór Guðlaugsson og skoraði gott mark eftir flottan undirbúning Sindramanna. Eftir þetta náðu Árborg undirtökum á leiknum og fengu þeir ótal mörg færi til að jafna leikinn en Dens Cardaklija var vel á verði í markinu. Sindri Örn Elvarsson fékk gott tækifæri til að bæta við í markareikning sinn en skot hans var rétt framhjá eftir góðan undirbúning hjá Þorsteini Jóhannssyni.

Denis Cardaklija var í stuði í leiknum.

Í síðari hálfleik komu Árborgarmenn sterkir til leiks og jöfnuðu leikinn eftir rúmlega 50 min. leik. Þetta vakti Sindramenn til leiks og fengu þeir nokkur ágætis tækifæri til að bæta við marki. Fyrst var það Atli Arnarson sem fékk dauðafæri eftir frábæra sendingu frá Sindra Ragnarssyni sem hafði komið inná fyrir Sindra Örn Elvarsson. Síðan var það Seval Zahirovic sem var kominn í góða stöðu eftir enn eina sendingu frá Sindra Ragnarssyni af kantinum en skot hans var í hliðarnetið. Á hinum endanum varði Denis Cardaklija enn og aftur og þá áttu Árborg einnig skot í stöng.

SUPERSUB! Sindri Ragnarsson reyndist hetja Sindramanna.

Það var ekki fyrr en á 86. min sem að hetja liðsins, Sindri Ragnarsson skoraði stórglæsilegt mark eftir fyrirgjöf frá Júlíusi Frey Valgeirssyni. Þetta mark reyndist sigurmarkið og fögnuðu Sindramenn því sínum öðrum sigri í röð og efsta sætinu í riðlinum.

Óskar Guðjón Óskarsson er 25 ára í dag.

Ummæli ritstjóra
Hægt að taka margt gott og slæmt úr þessum leik. Máttum klárlega vera beittari í fremstu línu. Atli Arnarson var oft einn og umkringdur varnarmönnum í leiknum og erfitt fyrir hann að skapa eitthvað mikið úr því. Það má segja að liðið hafi saknað Kristinn Þór Guðlaugsson mikið í þessum leik en vörn Árborgar virtist ekki ráða við löngu sendingunum innfyrir vörnina sem Kristinn Þór er svo góður að koma sér í færi úr. Dómari leiksins var ekki sá besti og mátti setja spurningamerki við mörg færi Árborgar í leiknum sem komu eftir að brotið var á varnamönnum okkar rétt fyrir utan teig. Vörnin spilaði vel í leiknum en miðjan komst ekki alveg í gang fyrr en í seinni hálfleik eftir að Árborg hafði jafnað. Innkoma Sindra Ragnarssonar hafði margt að segja um hvernig leikurinn spilaðist. Hann kom inn með mikla baráttu og vilja til að klára leikinn og á endanum kom mark hjá honum sem hann verskuldaði.

ÁFRAM SINDRI

Sindramenn mæta liði Árborgar sem er spáð efsta sæti í riðlinum. Árborg gerðu sig sig lítið fyrir og unnu deildabikarinn í vor. Þessi lið mættust einmitt í þeirri keppni en þar fóru Árborg með 2-0 sigur af hólmi.

Denis Cardaklija gerði sig sekan um slæm mistök þegar liðin mættust síðast.

Árborg byrjuðu Íslandsmótið á því að gera 1-1 jafntefli við nágranna sína í Ægi en okkar menn fóru létt með Létti í fyrsta leik sumarsins á Sindravöllum. Leikurinn fór 3-0 og skoraði Atli Arnarson betur þekktur sem hornfirski lurkurinn fyrsta mark sumarsins. Seval Zahirovic og Sindri Örn Elvarsson sáu um hin mörkin. Leikurinn í dag er gríðarlega mikilvægur fyrir bæði lið þar sem að með sigri geta Sindramenn farið á toppinn í riðlinum en lið Árborgar er ennþá að leita eftir fyrsta sigrinum sínum í sumar.

Einar Smári Þorsteinsson var valinn fyrirliði Sindra í fjarveru H. Steinar Kristjánssonar

Það má búast við breytingum í liði Sindra. Kristinn Þór Guðlaugsson er meiddur og verður ekki með í dag. Sama saga er með Alex Freyr Hilmarsson og Jóhann Berg Kiesel en báðir eru að glíma við erfið meiðsli.

Kristinn Þór Guðlaugsson (9) verður ekki með vegna meiðsla.

Sindramenn eiga erfitt prógram framundan. Þeir ferðast austur á Egilsstaði og mæta Hetti í VISA bikarnum á þriðjudaginn og síðan liggur leiðinn suður er þeir mæta skrautlegum Afríkumönnum á laugardeginum.

Leikmannahópur Sindra
Denis Cardaklija (m), Július Freyr Valgeirsson, Heiðar Kristinn Rúnarsson, Atli Haraldsson, Óskar Guðjón Óskarsson, Gunnar Ingi Valgeirsson, Einar Smári Þorsteinsson (f), Seval Zahirovic, Sindri Örn Elvarsson, Þorsteinn Jóhannsson, Atli Arnarsson, Stefán Lárus Reynisson (m), Ólafur Albert Sævarsson, Haukur Halldórsson, Sindri Ragnarsson, Ingvi Ingólfsson, Sigfinnur Björnsson, Steindór Sigurjónsson.

ÁFRAM SINDRI

Sindramenn fara létt með Létti
Sindri mættu Léttismönnum í fyrsta leik sumarsins í 3. deild karla. Sindramenn byrjuðu af krafti og Atli Arnarson var ekki lengi að skora fyrsta mark sumarsins. Seval Zahirovic hafði þá leikið á varnamann Léttis og gefið boltann framhjá markverðinum þar sem Atli Arnarson sem var í engum vandræðum með að setja boltann í netið.

Atli Arnarson að skora fyrsta mark sumarsins

Eftir markið hægðist mikið á leiknum og lítið var um skemmtilega tilburði. Seval Zahirovic átti þó hættulegasta færið þegar að hann reyndi að skalla yfir markvörð Léttis en hann varði vel á endanum. Þorsteinn Jóhannson komst einnig í kjörið færi, hann fékk sendingu frá Seval Zahirovic innfyrir vörn Léttismanna en skot hans var yfir markið.

Síðari hálfleikur byrjaði rólega en fljótlega náðu Sindramenn undirtökum á leiknum. Hajrudin Cardaklija ákveð að setja inn Sindra Örn Elvarsson fyrir Gunnar Inga Valgeirsson sem var að glíma við smávægileg meiðsli. Sindri Örn var ekki lengi að stimpla sig inní leikinn og sýndi af og til fína tilburði. Kristinn Þór Guðlaugsson var ógnandi í leiknum og átti gott skot sem markvörður Léttis varði vel. Seval Zahirovic átti síðan síðasta orðið er skot hans af rúmlega 30 metra færi fór yfir markvörðinn og staðan var 2-0, stórglæsilegt mark. Sindri Örn Elvarsson hafði stimplað sig svo sannalega inní leikinn og fullkomnaði innkomu sína með laglegu marki rétt fyrir utan teig.

Ólafur Albert Sævarsson hafði komið inná fyrir Július Freyr Valgeirsson og fékk kjörið tækifæri til að bæta við fjórða markinu en skot hans fór í stöngina eftir frábæra sendingu frá Sindra Erni Elvarssyni.

Feðgarnir, Sævar Þór Gylfason (h) og Ólafur Albert Sævarsson (v)

Sá merkilegi atburður átti sér stað á Sindravelli í dag að í fyrsta sinn í sögu félagsins spiluðu fegðar saman. Ólafur Albert Sævarsson hafði komið inná fyrr í leiknum en undir lok leiks var skipt útaf Denis Cardaklija og inná í hans stað var gamla kempan Sævar Þór Gylfason en hann er eins og flestir vita faðir Ólafs Alberts. Sævar Þór hafði lítið að gera þessar síðustu mínútur og var í engum vandræðum með að halda markinu hreinu.

Ummæli ritstjóra
Vörnin hélt vel í leiknum enda lét lítið reyna á hana. Heiðar Kristinn Rúnarsson og Atli Haraldsson sem er nýr í þessa stöðu spiluðu báðir vel og voru í engum vandræðum. Bakverðir liðsins, Július Freyr Valgeirsson og Óskar Guðjón Óskarsson þekkja stöður sínar vel og spiluðu báðir vel í vörninni og voru alltaf ógnandi fram á völlinn. Þorsteinn Jóhannson þótti einnig mjög sprækur og fékk gullið tækifæri til að skora í leiknum. Atli Arnarson spilaði sinn fyrsta leik fyrir félagið síðan 2007 og skoraði mark og hefði jafnvel getað skorað fleiri. Miðja liðsins hélt vel í leiknum, Gunnar Ingi Valgeirsson vann vinnu sína vel sem djúpur miðjumaður. Einar Smári Þorsteinsson, fyrirliði liðsins þótti spila virkilega vel og sama má segja um Seval Zahirovic. Sindri Örn Elvarsson átti innkomu dagsins, en hann komst fljótlega inní leikinn og skoraði fallegt mark. Kristinn Þór Guðlaugsson komst ekki á blað í leiknum sem þykir sjaldgæft en var alltaf ógnandi í leiknum og oft óheppinn að skora ekki, einnig var honum neitað vítaspyrnu eftir að brotið var á honum innan teigs.

ÁFRAM SINDRI!

SINDRI – LÉTTIR
Í dag mæta Sindramenn liði Léttis í fyrsta leik liðanna í 3. deild karla. Sindramenn eru taplausir á heimavelli síðan þeir báur lægri hlut gegn Magna í 2. deildinni í september 2007. Í fyrrasumar fóru Sindramenn taplausir í gegnum tímabilið á heimavelli og vonandi heldur það áfram í ár.

Þessi lið þekkjast ekki mikið og því má búast við hörkuleik frá fyrstu mínútu. Einhver meiðsli eru í herbúðum Sindra fyrir fyrsta leikinn, Alex Freyr Hilmarsson verður frá næstu 3 vikur vegna axlarmeiðsla og sama saga er með varamarkvörðinn, Jóhann Berg Kiesel en hann fór úr axlalið á síðustu æfingu fyrir leik og talið er að hann verði frá næstu 5 vikur. Að öðru leiti eru allir heilir og leikmannahópur Sindra í dag er þessi :

Denis Cardaklija (m), Július Freyr Valgeirsson, Heiðar Kristinn Rúnarsson, Atli Haraldsson, Óskar Guðjón Óskarsson, Gunnar Ingi Valgeirsson, Einar Smári Þorsteinsson, Seval Zahirovic, Þorsteinn Jóhannsson, Atli Þór Arnarson, Kristnn Þór Guðlaugsson, Sævar Gylfason (m), Sindri Örn Elvarsson, Einar Haraldsson, Ingvi Ingólfsson, Ólafur Albert Sævarsson.

Vekja athygli má á því að Sævar Gylfason er í leikmannahópi Sindra en hann er að fagna 40 ára afmælisdeginum sínum í dag og óskum við honum til hamingju með það. Það má búast við því að Sævar komi inná í leiknum og einnig sonur hans, Ólafur Albert. Þetta verður því í fyrsta sinn í sögu Sindra að feðgar spili saman.

Sindri 5
Alex Freyr Hilmarsson (2)
Atli Arnarson
Seval Zahirovic
Kristinn Þór Guðlaugsson

Augnablik 2

Sindramenn spiluðu sinn síðasta æfingaleik á móti Augnablik fyrir átökin í 3. deildinni í sumar. Sindramenn sigruðu leikinn sannfærandi og voru um tíma 4-0 yfir í leiknum. Alex Freyr Hilmarsson átti frábæran leik er hann skoraði tvö mörk sjálfur og lagði eitt upp. Sigur var aldrei í hættu í leiknum og spiluðu Sindramenn á köflum mjög vel. Atli Arnarson byrjaði einnig vel eftir að hafa skipt yfir í Sindra fyrir sumarið með því að skora fallegt mark í seinni hálfleik. Kristinn Þór Guðlaugsson heldur áfram að vera í fantaformi fyrir liðið og skoraði í leiknum.

Þorsteinn Jóhannsson byrjaði á hægri kantinum í dag.

Seval Zahirovic kom inn í liðið og átti góðan leik með þvi að setja eitt mark og var ógnandi allan leikinn. Breytingar voru á liðinu frá síðasta leik. Atli Arnarsson, Seval Zahirovic og Þorsteinn Jóhannsson komu inn í byrjunarliðið. Gunnar Ingi Valgeirsson var ekki með vegna meiðsla en Heiðar Kristinn Rúnarsson átti einnig við veikindi að glíma.

Seval Zahirovic spilaði vel gegn Augnablik.

Líklegt verður þó að það verði spilaður æfingaleikur næstu helgi á Sindravelli. Ekki er ennþá vitað hverjir andstæðingarnir verða en talið er þó blandað lið af gömlum reynsluboltum og yngri strákum úr liðinu spili við hið hugsanlega byrjunarlið gegn Létti 21. maí næstkomandi.

Byrjunarlið
01. Denis Cardaklija (Jóhann Bergur Kiesel)
02. Seval Zahirovic (Haukur Halldórsson)
03. Ólafur Albert Sævarsson
04. Július Freyr Valgeirsson (Sigfinnur Björnsson)
05. Einar Smári Þorsteinsson (f) (Sindri Örn Elvarsson)
06. Alex Freyr Hilmarsson (Einar Haraldsson)
07. Óskar Guðjón Óskarsson
08. Atli Haraldsson
09. Kristinn Þór Guðlaugsson (Steindór Sigurjónsson)
10. Atli Arnarson
11. Þorsteinn Jóhannsson

ÁFRAM SINDRI

Hólabrautalurkurinn er betur þekktur sem “El Nino”.

Atli varð bikarmeistari í 2. flokki með FH í fyrra en skipti síðan yfir í lið Garðbæinga þar sem hann hefur verið að æfa og spila síðustu mánuði. Hann er gríðarlegur liðstyrkur fyrir Sindramenn sem ætla að gera sig líklega til að fara alla leið í sumar. Atli hefur spilað með Sindra frá ungum aldri og oft talinn mikill markaskorari. Margir búast við að hann og Kristinn Þór Guðlaugsson sjái um markaskorun liðsins í sumar í kjölfar þess að Emir Murtic mun ekki snúa aftur.

Atli Arnarson í leik með Sindra á móti Selfossi í 2. deildinni.

Upplýsingar
Nafn : Atli Þór Arnarson
Aldur : 19 ára (1989)
Staða : Framherji/Kantmaður
Mottó? : “Eina leiðin..”

Ferill með Mfl. Sindra (leikir – mörk)
2006 -
2. deild karla – 8 – 0
VISA-bikar karla – 1 – 0
2007 -
2. deild karla – 16 – 2
VISA-bikar karla – 1 – 1

Nýtt undir Sindrafregnir!
ÁFRAM SINDRI

Tadej Venta spilaði 13 leiki fyrir Sindra í fyrra og skoraði 4 mörk. Hann spilar nú með sínu gamla félagi í slóvensku 1. deildinni, NK Krka.

Sama saga er með Emir Murtic en þó var alltaf talið mjög ólíklegt að hann snúi aftur til Íslands sökum þess að það er næstum alveg ómögulegt fyrir hann að fá atvinnuleyfi og ekki hjálpar ástandið sem við Íslendingar (og þessi ágæti útlenski ritstjóri) búum í.

Emir spilaði lykilhlutverk í sóknarleik Sindra í fyrra og því verður hann mikill missir fyrir komandi tímabil. Emir skoraði 11 mörk í 14 leikjum fyrir Sindra í fyrra þar á meðal 2 mörk í 1 bikarleik.

Miklar vangaveltur hafa einnig verið um þann möguleika að Stephen Thurlby komi aftur til landsins en orðrómur er um að reynt sé verið að útvega vinnu fyrir honum en þó er talið ólíklegt að eitthvað verði úr þeim málum.

Steve skoraði 1 mark í 14 leikjum í 3. deildinni og 1 mark í 2 bikarleikjum.

Heiðar Kristinn Rúnarsson virðist einnig vera stórt spurningamerki fyrir sumarið. Hann spilaði lykilhlutverk í vörn Sindra í fyrra og því væri hann gífurlegur liðsstyrkur ef hann snéri aftur austur fyrir sumarið.

Heiðar spilaði æfingaleik með Sindra gegn Álftanesi fyrir rúmum hálfum mánuði en talið er að hann muni spila með liðinu í deildabikarnum en ennþá er óvíst með sumarið.

Hummel tekur við af Jako fyrir nýja keppnistímabilið.

Ákveðið hefur verið að meistaraflokkarnir hjá Sindra gangi í nýjum Hummel treyjum fyrir sumarið. Þetta á þó einnig við yngri flokka en í raun munu allir Sindrabúningar verða merktir Hummel i sumar. Nýja treyjan verður mjög svipuð þeirri sem var notuð í fyrra og verður haldið áfram því að nota svarta litinn mikið sem og gylltan lit sem fylgir nýju línu Hummel, Technical Gold.

Hérna fyrir neðan er mynd af aðalbúningnum og varabúningum en hann fer þó ekki í notkun fyrr en á þarnæsta sumri. Sindramenn munu þá nota sína hvítu varabúninga frá Jako á þessu sumri.

Hér fyrir neðan eru svo markmannsbúningarnir.

Margir hafa velt fyrir sér hvaða styrktaraðili mun vera framan á nýju búningunum en Landsbankinn er einn aðalstyrktaraðili Sindra og munu að sjálfsögðu halda áfram að bera merki sitt á búningum Sindra.

SINDRI 0    ÁRBORG 2

Sindramenn spiluðu sinn fyrsta leik í deildabikarnum í ár á Selfossi gegn liði Árborgar sem eins og margir vita eru einnig með Sindra í riðli í 3. deildinni í sumar.

Leikurinn byrjaði rólega og var fátt um færi í fyrri hálfleiknum. Alex Freyr Hilmarsson átti þó besta færi Sindramanna í fyrri hálfleik en hann virtist skora en markið var dæmt af vegna rangstöðu. Alex Freyr Hilmarsson hafði þá fengið góða sendingu frá Einari Smára Þorsteinssyni og komist innfyrir vörn Árborgar og klárað með góðu skoti en línuvörður leiksins dæmi rangstöðu.

Árborg sóttu meir eftir þetta og áttu nokkur skot á marki Sindramanna sem vörnin og Denis Cardaklija áttu ekki í vandræðum með. Í síðari hálfleik fengu Sindramenn nokkur dauðafæri sem á einhvern ótrúlegan hátt þeir náðu ekki að nýta sér. Fyrst átti Einar Smári Þorsteinsson skot í stöngina en þaðan fór boltinn til Kristins Þórs Guðlaugssonar sem virtist ætla að setja boltann í autt markið en á einhvern ótrúlegan hátt náðu varnamenn Árborgar að verja á línu.

Kristinn Þór Guðlaugsson var óheppinn að skora ekki.

Stuttu seinna fengu Árborg aukaspyrnu rétt fyrir utan teig Sindramanna og skoruðu þeir glæsilega úr henni. Þetta virtist hafa slæm áhrif á Sindramenn en þeir fengu þó nokkur hálffæri eftir þetta og þá sérstaklega Atli Haraldsson sem virtist hafa komist í gegnum vörn Árborgar en fyrirgjöf Sindra Elvarssonar virtist vera of föst fyrir hann og boltinn skaust af honum og framhjá markinu.

Þorsteinn Jóhannsson kom inn í byrjunaliðið í hægri bakverði.

Undir lok leiksins gerði Denis Cardaklija sig sekan um slæm mistök i markinu en hann missti boltann úr höndunum eftir fyrirgjöf innfyrir vörn Sindra og átti framherji Árborgar ekki í vandræðum með að setja boltann í autt markið.Leiknum lauk því 2-0 fyrir Árborg og hefðu úrslitin verið önnur hefðu Sindramenn haft smá heppni með sér en á endanum hafði Árborg betur.

Margir af ungu strákunum spiluðu í leiknum og stóðu allir sig vel og vonandi er þetta byrjunin af einhverju góðu hjá “kjúklingunum”.

Byrjunarlið Sindra